Bulebarrean eginiko agerraldi batean kritikatu zuen Kaleratzeak Stop elkarteak Donostiako udal gobernuaren jarrera. Bertan dagoen kiosko azpiko lokalean gordetzen dute materiala plataforma horretako eta beste elkarte batzuetako kideek; EAJk eta PSEk osatutako gobernuak, ordea, lokala hutsarazi zuten.
Agerraldiaren ostean bildu ziren plataformako kideak udal gobernuko ordezkariekin. Ohar batean, elkarteak jakinarazi du "behin-behinean" lokala erabiltzen jarraitu ahal izango duela, udal gobernuarekin akordio bat lortu ondoren.
Kiosko azpiko lokalak “erabilera soziala” izan dezan eskatu zuen plataformak.
