Donostiako Fermin Kalbeton kaleko taberna batean gertatu da erasoa. Segurtasun Sailak zabaldu duenez, 32 urteko gizon batek ukituak egin dizkio emakume bati, eta, hark aurre egin dionean, telefonoa kendu dio. 23 urteko gizonezko bat ere atzeman dute lapurretarekin lotuta. Beste batek ihes egin du.
Telefonoa lapurtu ondoren, ihesean irten dira hiru gizonezkoak, baina emakumeak eta harekin zeudenek harrapatu egin dituzte haietako bi. Ertzaintzak atxilotu egin ditu biak, lapurreta eta sexu abusuak egotzita. Hirugarrenaren bila dabiltza.
