Abenduaren 1ean 13 urteko gazte baten gorpua aurkitu zuten Donostian; labankadaz hila zen, eta nahasmen handia sortu zen heriotzaren arrazoien inguruan, nahiz eta, Ertzaintzak zabaldutako hipotesiaren arabera, gazteak bere buruaz beste egin zuen. Harrezkero aitaren bila jardun dute poliziek, emaitzarik gabe atzo arte.
Astebeteko bilaketaren ostean, asteazken gauean senide baten etxera sartzen ikusi zuten aita, Donostian bertan. Ertzainek horren berri izan zuten orduko atxilotu zuten hildakoaren aita. Semeari laguntza emateko betekizunari uko egitea leporatuta atxilotu dute.
Ertzaintzaren ikerketen arabera, semea hil zen lekuan eta momentuan aita bertan zen. Gertatu zena argitzeko ikerketarekin jarraitzen duela azaldu du Ertzaintzak, baita aitaren "parte hartzea zehazten" ari dela ere.
