Drogekin trafikatzea egotzita, gizon bat atxilotu dute

LEGORRETA. Ertzaintzak 32 urteko gizonezko bat atxilotu zuen bart goizaldean Legorretan (Gipuzkoa), drogekin trafikatzea leporatuta. Klub baten inguruan atxilotu zuten, eta Herrizaingo Sailak berri eman duenez, haxixa eta kokaina atzeman zizkioten. Gizona ihes egiten saiatu zen, eta droga lurrera botatzen. Baina ez zuen lortu. Ertzaintzak jakinarazitakoaren arabera, galtzetako poltsikoetan eta galtzerdietan zeraman droga.