Durangon (Bizkaia), auto gidari bat zendu da gaur arratsaldean, Durango eta Amorebieta arteko 634 errepidean izan den istripu baten ondorioz. Kamioi batek eta auto batek elkar jo dute. Auto gidaria harrapatuta geratu da, eta, ondorioz, hil egin da.
Irungo (Gipuzkoa) Meaka auzoan, 54 urteko motorzale bat hil da goizean, haren motorra errepidetik atera denean. 09:40an izan da ezbeharra, eta, Eusko Jaurlaritzako Herrizaingo Sailak adierazi duenez, gidaria lekuan bertan zendu da, kolpearen ondorioz.
Emakumezkoa da hildakoa, Irungoa.
