Duzunaritzen gizon bat hil da, bizikleta istripu baten ondorioz

BAIONA. Gizon bat zendu zen atzo arratsaldean Duzunaritzen (Nafarroa Beherea), bizikletaren kontrola galdu eta buruak lurraren kontra jota. Istripuaren ondorioz, bihotzekoa izan zuen, eta hil egin zen. Txirrundularia talde batean zihoan. Oxkitzeko lepoa igotzeko asmoa zeukaten, baina okerreko bidea hartu zuten.