Araba, Bizkai eta Gipuzkoako herritarrek 9.582 kexa helarazi zizkioten EAEko Arartekoari, 2017. urtean. Kexa horietatik gehienak eskubide sozialekin lotuta daudela azaldu du Manuel Lezertua arartekoak: gizarteratze eta hezkuntza politiken artean kexen espedienteen %53,74 izan ziren.
Diru sarrerak bermatzeko legetik eratorritako prestazio ekonomikoekin lotutako 802 kexa jaso zituen Arartekoak. 2016Ko datuekin alderatuta 53 txosten gehiago dira. Ordea, kexak, oro har, igo direnez, batez beste duen pisua txikiagoa da.
Lanbide Heziketan gertatu da aldaketa nagusia. 2016an 10 kexa jaso zituen horrekin lotuta: 2017an 497 izan ziren. Matrikulazioak egiteko irizpide aldaketa batek eragin zuen hori. DBHko ikasketak amaitzen zituzten adingabeak lehenetsi zituzten matrikulazioak egitean, eta horrek helduen eskoletan ari diren hainbat pertsona kanpoan utzi zituen.
