Isabel Zelaa Eusko Jaurlaritzako Hezkuntza sailburuak espero du aurtengo EAEko aurrematrikulazio datuak "iazkoen parekoak" izatea, gaur goizean Radio Euskadin aurreratu duenez. Aurrematrikulazio epea ostiralean amaitu zen, eta zentroak goizean zenbaketak egiten ari direla azaldu du Zelaak.
"Pozik gaude, eta datu onak espero ditugu. 2-3 urteko adin tartean begira 18.000 sarrera inguru espero ditugu". Euskal hezkuntza sistemaren neurgailuak "oso indartsuak" dira Zelaaren arabera, "Europako eskualde onenen pareko datuekin", eta EAEko eskolatze datu positiboak nabarmendu ditu.
