Espainiako Estatuaren Abokatuak aurkeztutako helegitea onartu du EAEko Auzitegi Nagusiak, eta Ertzaintzaren azken lan deialdi publikoa baliogabetu du, berritze tasa errespetatzen ez duelakoan. 250 lanpostuko deialdia da. Auzitegiak uste du Lakuak ez duela aurkeztu Estatuko Aurrekontu Legeak agintzen duen gisako Lanpostu Eskaintza Publikoa, eta lan deialdia berriro zehazteko agindu dio.
Abokatuak argudiatu du 2014an 11 kidek utzi zutela Ertzaintza, eta haien ordez ez zela inor sartu. Hori kontuan hartuta, Eusko Jaurlaritzak egindako lan deialdi publikoa 250 postukoa izateak berritze tasa gainditzen duela uste du Auzitegi Nagusiak.
