Juan Calparsoro Euskal Autonomia Erkidegoko fiskal nagusiak esan du litekeena dela Xabier Lopez Peña euskal presoa zenaren hilotzari egin dioten harreran "terrorismoa goratu" izana. Gaur Euskal Herriratu dute Lopez Peñaren gorpua eta, fiskalaren arabera, litekeena da harrera horretan Espainiako Zigor Kodeko 578. artikulua urratu izana.
Calparsorok adierazi du ikertu egin behar dela gertatutakoa, eta gaineratu du Auzitegi Nazionaleko Fiskaltzari dagokiola hori ikertzea.
Covite biktimen elkarteak jakinarazi du goizean Lopez Peñaren ekitaldietan parte hartu dutenei salaketa jarriko diela. Bestetik, Rodolfo Aresek adierazi du "larria" dela goizean egindako ekitaldietan EH Bilduko parlamentariak egon izana.
