Espainiako Kongresurako bozetarako bi aste soilik falta direla, ugarituz doaz boto asmoari buruzko inkestak. Azkena EITB Fokusek egindakoa izan da. Haren arabera, galdekatutako herritarretatik %65,2k iazko abenduan bezala bozkatuko dute; aldiz, iritziz aldatu dute %13,9k, eta %14k ez dute argi nori bozkatuko dioten.
Bestalde, Espainiako hurrengo presidentea nor izango den galdetuta, %42,7k uste dute Mariano Rajoy izango dela; nahiz eta soilik %2,7k duten gustuko. Ordea, aginduko duen gobernu koalizioari buruz galdetuta erantzunak ez dira horren argiak: %27,8k nahiago lukete Unidos Podemosen eta PSOEren arteko koalizioa; baina gehienek —%14,3ek— uste dute PP eta Ciudadanosen arteko koalizioak aginduko duela.
