EAEn elbarriek aparkatzeko beste txartel bat banatuko dute

GASTEIZ. Urtarriletik aurrera, Eusko Jaurlaritzak aldatu egingo du elbarriei ibilgailuak aparkatu ahal izateko ematen zaien txartela. «Helburua txartelak erabiltzeko baimenik ez dutenek egiten dituzten iruzurrak saihestea da», adierazi du Fernando Fantova Gizarte Gaietarako sailburuordeak. Udaletan jaso ahal izango da, eta zaharra han utzi beharko da.