Araba, Bizkai eta Gipuzkoako enpresei pizgarri fiskalen bidez emandako dirua berreskuratu ezean isunak jarriko dizkiola ohartarazi dio Espainiako Gobernuari Europako Batzordeak.
Zehazki, irizpen bat plazaratu du Europako Batzordeak Espainiari oroitaraziz Europako Auzitegiak 2006ko abenduan emandako epaiaren arabera legez kanpokoak direla Araba, Bizkai eta Gipuzkoako pizgarri fiskalak. Halaber, enpresei "diru laguntza ilegalen"bidez emandako dirua berreskuratzeko agintzen zion Espainiako Gobernuari epaiak.
Jaso dituzten azken informazioen arabera, epaia bete gabe dagoela agertu du Europako Batzordeak eta isunen mehatxua egin dio Madrili.
Eusko Jaurlaritzak esan du "diru laguntza denak" jaso dituztela.
Ekonomia
EAEn pizgarri fiskaletan emandako dirua berreskuratu ezean isunak jarriko dizkio Espainiari Bruselak
Europako Justizia Epaitegiak legez kanpokotzat jo zituen enpresentzako laguntza horiek 2006ko abenduan. "Dirulaguntza ilegalak" berreskuratzeko agintzen zen epaian. Eusko Jaurlaritzak esan du "diru laguntza denak" jaso dituztela.
Iruzkinak
Ez dago iruzkinik
Ordenatu
