Sozialistek ez dute gehiengo osorik Espainiako Kongresuan, eta, ondorioz, beste alderdien laguntza behar dute beren proposamenak aurrera ateratzeko. Etorkizunean, Gobernuak proposatutako ekimenen aldeko botoa ematearen truke "exijentzia zorrotzagoak" egingo dituztela iragarri du Erkorekak.
Hain zuzen ere, Espainiako Senatuan EAJk hautagai sozialistaren alde bozka zezan, trukean PSOEk hainbat konpromiso hartu zituela agertu du jeltzaleen bozeramaileak, baina ez direla ari agindutakoa betetzen. Konpromiso horien artean legoke Jaurlaritzak eta Madrilgo Gobernuak kupoaren inguruan duten ika-mikaren konponketa.
Politika
EAJ aurrerantzean "zorrotzagoa" izango da PSOErekin Espaniako Kongresuan
PSOEko Gobernuarekin etorkizunean "zorrotzago" jokatuko dutela iragarri du Josu Erkoreka Espainiako Diputatuen Kongresuko EAJren bozeramaileak. Zehazki, sozialistek Kongresuan aurrera atera nah dituzten ekimenen aldeko botoen trukean "exijentzia handiagoak" egingo dituztela adierazi du. Izan ere, Jose Luis Rodriguez Zapateroren Gobernua ez dela ari jeltzaleei agindutakoa betetzen salatu du Erkorekak.
Iruzkinak
Ez dago iruzkinik
Ordenatu
