Euskal presoei ezarritako "salbuspen neurriak" amai daitezen eskatzeko bihar Parisen egingo duten manifestaziora ordezkaritza bidaliko dutela iragarri dute euskal alderdi eta sindikatuek.
EAJren izenean, esaterako, Olivier Baratxart joango da taldeko buru. EH Bildurenean, berriz, ordezkaritza zabala da Frantziako hiriburura joatekoa, besteak beste, Josu Juaristi europarlamentaria eta Pello Urizar eta Julen Arzuaga diputatuak.
ELAk eta LABek ere iragarri dute han izango direla. Parisen izango dira bi sindikatuetako idazkari nagusiak, Adolfo Muñoz eta Garbiñe Aranburu, hurrenez hurren.
Bitarteam aurrera jarraitzen du espetxeetarako martxak. Atzo, Reautik Fleury-Merogis arteko bidea egin ostean, Fresnesera helduko da gaur. Ibilaldia bihar amaituko dute Parisko manifestazioarekin bat eginez.
Martxak aurrera darrai@berria@Artisans_Paixpic.twitter.com/roi3oUHL4v
— Iparraldeko Hitza (@IEHkohitza) 2017(e)ko abenduak 8
Bestalde, EPPK-ko kideek eurek ere "konponbidean aurrera egiteko beharrezko urratsak" egiteko prest zeudela iragarri zieten atzo beraiekin bildutako hautetsiei. "Hunkituta eta itxaropentsu" mintzatu ziren bileraren ostean Max Brisson Pirinio Atlantikoetako senataria (LR), Vincent Bru Pirinio Atlantikoetako diputatua (Modem) eta Jose Bove europarlamentaria (EELV).
