Berriketan.info sare sozialean hauteskunde kanpainaren kontaketa egiten aritu dira EAJko, EH Bilduko, PSE-EEko eta PPko hautagai bana, eta gaur eta bihar bitartean elkarrizketa digitalak egingo dituzte BERRIA.INFOn.
Goizane Alvarez Irungo zinegotzi eta PSE-EEko hautagaia aritu da Berriketan.info-n bere alderdiaren kanpainaren jarraipena egiten, baina beste hautagai batek, Denis Itxasok, erantzungo ditu irakurleen galderak. Gaur arituko da, hilak 18, 10:00etan. Gaur bertan, 16:00etan, Maribi Ugarteburu EH Bilduko hautagaiari galderak egiteko aukera izango da.
Bihar goizean, Laura Garrido PPko hautagaiak erantzungo die irakurleen galderei. Ordua zehazteke dago oraindik. Arratsean, berriz, EAJko hautagai Maria Eugenia Arrizabalarekin egingo da elkarrizketa digitala, 17:00etan.
