Iñigo Urkullu EAJko presidenteak gaur adierazi du bere alderdiak EAE-ANV udaletatik kentzeko zentsura mozioak babestuko dituela. “Konpromiso etikoetako mozioak planteatzeko jarrera zentsura mozio posible batzuetara lekualdatuko dugu, Arrasatetik hasita”, esan du.
Atzo PSE-EEk Arrasateko, Hernaniko eta Pasaiako (Gipuzkoa) Udaletan ANV alkatetzatik kentzeko zentsura mozioak sartzeko prozesua hasiko zuela jakinarazi zuen, datorren astelehenetik aurrera.
EAJk zentsura mozioekiko duen jarrera “irmoa” dela berretsi du Urkulluk, baina PSE-EEk ekimena proposatu aurretik aurrera aterako dela “bermatu” beharko luke haren ustetan.
Urkulluren arabera, ekimenak aurrera ateratzen ez badira, “ez da EAJren kontrako jarrerarengatik izango”. Horrez gain, jeltzaleek PSE-EErekin batera “konpromiso etikoko mozioak” aurkeztu dituztela gogorarazi du.
Politika
EAJk ANV alkatetzatik kentzeko zentsura mozioak babestuko ditu
Urkulluk adierazi duenez, EAJren jarrera “irmoa” da zentsura mozioei dagokienez, baina uste du PSE-EEk ekimen hori proposatu aurretik aurrera aterako dela "bermatu" beharko lukeela.
Iruzkinak
Ez dago iruzkinik
Ordenatu
