EAJk ez du babestuko geltoki intermodala Loiolan eraikitzea

DONOSTIA. Garraio publikoarentzako geltoki intermodala Loiolako Erriberan eraikitzeko egitasmoa ez du babestuko EAJk. Geltoki intermodala Atotxan eraikitzea da aukera «sendo eta egingarriena», EAJren ustez. Hilaren 30ean aztertuko dute gaia, osoko bilkuran. PPk hasieran babestu bazuen ere, atzera egin du geroztik, eta PSEk ez du kokaleku egokitzat. Bilduk bakarrik bultzatuko du geltokia Loiolan jartzea, beraz.