EAJk Jose Luis Bilbao jarduneko Bizkaiko ahaldun nagusiaren hautagaitza erregistratu du Eusko Legebiltzarrean, EAEko Kontu Auzitegiko kide izan dadin. EAJren proposamena onartuko balitz Jose Mari Gorordo Bilboko alkate ohiaren lekua hartuko luke Bilbaok.
Hain justu, Bilbaok iazko irailaren amaieran eginiko adierazpen batzuek hautsak harrotu zituzten. Berriro Bizkaiko ahaldun nagusi izateko ez dela aurkeztuko iragartzeko hitzaldian, lasai egoteko esan zien iruzurgileei; asko ezagutu dituen arren ez zuela horien berri emango.
