EAJren emaitzez poztu da Ipar Buru Batzarra

BAIONA. EAJk lortu emaitzak pozgarritzat jo dituzte Ipar Buru Batzarreko ordezkariek. Ipar Euskal Herriarentzat «xantza» bat lirateke Iñigo Urkullu lehendakari izatea, alderdiaren ustez. Hain zuzen,Ipar Euskal Herriaren eta Hego Euskal Herriaren arteko harremanak «ongi finkatzeko» Urkullu «pisuzko aliatua» izango dela azaldu zuten atzo Baionan egin prentsaurrekoan. Nafarroako Buru Batzarra ere antzera mintzatu da.