EH Bilduk 11 botoren aldearekin irabazi zituen udal hauteskundeak Artziniegan (Araba), eta zinegotzi kopuruan berdinduta geratu ziren koalizio subiranista eta EAJ (launa). Udalbatzen osaeran, ordea, PPk bere babesa eman dio EAJri, eta Iñaki Gomez jeltzaleak eskuratu du alkatetza.
Oionen, berriz, jakina zen EAJk eskuratuko zuela alkatetza, EH Bilduk iragarria baitzuen jeltzaleak babesteko asmoa. Launa zinegotzi eskuratu zituzten PPk eta EAJk maiatzaren 24an, baina koalizio subiranistaren bi ordezkariek eta PSEko bakarrak EAJko hautagaia babestuta, hark eskuratu du alkatetza.
