EAk "inteligentzia politikoa" eskatu dio Batasunari

Eusko Legebiltzarrean datorren ostiralean egingo den Politika Orokorrerako Eztabaidak epe ertainera ekar ditzakeen ondorioak aztertzeko "inteligentzia politikoa" eskatu dio gaur EAko lehendakari Begoña Erraztik Batasunari. Irekitzear den eztabaidak "EAEko komunitatean, eta nola ez, beste euskal luraldeetan benetan ekarriko dituen ondorioak" aztertzea beharrekoa dela azpimarratu du. Erraztiren ustez, azterketa hori ezin da egin epe motzera begira.