Pseudoterapien aurrean osasuna babesteko plana deitu duten agiria aurkezteko elkartu dira gaur Madrilen Espainiako Osasun ministro Maria Luisa Carcedo eta Zientzia ministro Pedro Duque. Pedro Sanchen gobernuak adierazia du lehendik "ebidentzia zientifikoan" oinarritu gabeko tratamenduen aurka egiteko gogoa; kolokan dago, esaterako, egun botiketan saltzen diren hainbat produktu homeopatikoren geroa.
Plan honen helburuetako bat izango da terapia orori eskatzea irizpide zientifikoen araberako betebeharrak, gainerakoan baztertu egingo dira.Ildo horretan "iruzurretan" oinarritutako iragarkiak baztertu egingo dira; behar diren lege aldaketak egingo dira horretarako. Horiek horrela, osasun zentroetan eta unibertsitateetan guztiz alboratu nahi dira praktika horiek eta horietan oinarritutako ikasketak.
Plan honetan ezarritako irizpide nagusiak denborarekin osatzen joan daitezkeela esan dute gobernuko arduradunek. "Ekarpenak egin dakizkioke".
