'E.coli' bakterioaren jatorria, Egiptotik ekarritako hazietan

BRUSELA. Europako Batasunak ohartarazi du Alemanian osasun alerta sortu zuen Escherichia coli bakterioaren jatorria 2010ean Egiptotik ekarritako hazietan egon daitekeela. Italiatik iritsi ziren Europara, eta handik Alemaniara, Frantziara, Espainiara, Erresuma Batura, Herbeheretara eta Austriara banatu ziren. Nahiz eta oraindik hipotesia baino ez den, estatu horietan hazien bila dabiltza. Aurkitutakoan egingo dituzte hipotesia baieztatzeko azterketak.