Edu Perez Anuzita euskal preso igorrearra 23:00etan iritsiko da Loiuko aireportura, Murtzia II espetxetik. Deustuko Herriko Tabernan egingo diote lehen harrera, eta asteburuan hainbat ekitaldi ere antolatu dituzte ongietorria egiteko. Gaur goizean utzi dute aske hemezortzi urte espetxean egin ondoren. Bizkaia komandoaren kontrako operazio batean atxilotu zuten, eta 24 urteko kartzela zigorra jarri zioten ETAko kide izateagatik eta atentatu saiakeragatik.
