Euskal Konfederazioak agerraldia egin du gaur Baionan. Euskararen Erakunde Publikoaren (EEP) jarduna aztertu dute eta ondorioztatu bi etapa daudela horren jardunean, eta 2010. urtean, Norabide Esparruak zehaztu ondoren, EEPren borondate hutsean oinarrituriko hizkuntza politikak goia jo duela ondorioztatu dute.
Konfederazioaren iritziz, argi gelditzen da borondatearen atal hori gaindituta dagoela eta euskarak ofizialtasuna eta hizkuntza babesa behar dituela. Aldarri hori sekulan baino premiazkoagoa dela azaldu dute, berretsiz martxoaren 31ko Deiaderrako deialdia.
