Joseba Egibar EAJko Gipuzku Buru Batzarreko (GBB) presidentearen iritziz, kaletik eta beste hainbat lekutatik euskal presoen argazkiak erretiratzeko erabakia epaileek hartu behar dute eta ez, haien erabakirik oraindik ez dagoela, Ertzaintzak. Duela aste batzuetatik Eusko Jaurlaritzako Herrizaingo Sailaren aginduz ari da kentzen Ertzaintza presoen irudiak. Herengun, kasu, Bilbon, Barakaldon (Bizkaia) eta Amurrion (Araba) erretiratu zituen.
Dena dela, Herrizaingo Saileko buru artean Javier Balza EAJko kidea zela ere kendu zituen irudiak Ertzaintzak, eta Amnistiaren Aldeko Mugimenduak horixe gogoratu dio gaur Egibarri.
"Erretiratu behar diren argazkiak erretiratu behar dira, baina epaileek hartuta erabakia", adierazi du gaur Joseba Egibarrek, Radio Euskadin, baina "buruarekin" jokatzeko eskatu du. Ondorioz, Rodolfo Ares Herrizaingo sailburuaren jokabidea kritikatu du. "Kontu hau ez dagokio Aresi".
Jaurlaritza ertzainei "garbitzaileei dagokien lana" ari zaie ematen, Egibarren ustez.
euskal presoak
Egibarrek dio presoen argazkiak kentzeko erabakia epaileei dagokiela, ez Jaurlaritzari
Ertzaintza presoen irudiak erretiratzen ari da duela aste batzuetatik, eta EAJko buruzagiak Ares Herrizaingo sailburuaren jokabidea kritikatu du. "Kendu behar diren argazkiak kendu behar dira, baina buruarekin jokatuz".
Iruzkinak
Ez dago iruzkinik
Ordenatu
