Egin Dezagun Bidea mugimenduak Donostiako Zinemaldia hasten den egunean, irailaren 17an, manifestazio nazionala deitu du euskal presoek bizi duten egoera salatzeko. Egoera "larria" dela salatu du manifestaziorako propio sortutako webgunean: "Har dezagun guztiok gure gain kondena bete duten eta gaixorik diren presoak berehala etxera ekartzeko erronka. Bai eta behingoz presoak Euskal Herrian eskubide guztiekin batzekoa ere".
Txus Martin eta Ibon Iparragirre presoen egoera nabarmendu dute deietzaileek, eta hitzordua saihestezina dela iritzi diote. Manifetazioa 17:30ean hasiko da Donostiako Antigua auzoko tuneletik. Zinemaldiari keinu berezia egin diote manifestazioa iragartzeko kartelean, eta Spiderman ageri da horretan euskal presoen aldeko afixa batekin.
