EGUZKI ALA ELUR, JUSTIZIA ALDARRI

Eguraldi txarra egin arren, dozenaka lagun bildu ziren atzo Bilbon eta Donostian, SOS Haur Lapurtuak elkarteak egindako elkarretaratzean parte hartzera. Aurreko hilabeteetan egin duten bezala, otsaileko lehen larunbatean ere kalera atera ziren elkarteko kideak, urteetan gertatu ziren umeen ustezko lapurretak salatzeko. Geroz eta kasu gehiago daudela gogorarazi zuten, eta laguntza eskatu zuten ustezko lapurreta kasuak argitu ahal izateko.