Hona hemen, aurrerapen gisa, Joseba Egibarren esan batzuk:
- "Hiru lurraldeetan irabaztea gustatuko litzaiguke, baina benetan zaila zaigu hori lortzea Gipuzkoan".
- "Esparru instituzional honetan ez sinestea normala da, baina EH Bilduk ez ditu bereizten errealitatea eta desioak. Uste dute beraiek soilik dutela gaitasuna transformatzeko; besteoi ez digu ezer aitortzen".
- "Garbi daukat euskal gatazka inoiz konponduko bada ezinbestekoa izango dela abertzaleen artean gutxiengo batzuk hitzartzea. Hori ez da inprobisatzen. Bi alderdiok denbora beharko dugu uztarketa estrategiko horretara iristeko".
- "Patxi Lopez iragana da. Patxi Lopez badoa. Alderdi sozialistak dauka sakoneko aldaketa bat egin beharra. Eta etorkizunari begira, behingoz, txertatu beharko luke bere proiektu politikoa herri honen etorkizunera".
- "Argi dago diru sarreren eta gastuen arteko oreka bat aurkitu behar dela. Horrek murrizketak eskatzen ditu; ez derrigorrean zerbitzu sozialetan, baina nonbaitetik kendu behar duzu".
