Jaurlaritzako autogobernu lantalderako egin duen proposamena aurkeztu du koalizio abertzaleak Hernaniko Oronan, eta argi utzi du: estatus berriak bere baitan jaso behar du erabakitzeko eskubidea. "Espainiako Estatuak eskaintzen duen demokrazia eskasaren aurrean, kalitatezko demokrazia eraikitzea proposatzen dugu".
Erabakitzeko eskubidea jasotzen duen akordio bat posible dela nabarmendu du Otegik, gehiengoa bil daitekeela. Eta ohartarazi du hori lortzen ez bada ez dela Madrilen errua, Euskal Herriko eragileena baizik.
📽 Autogobernu batzordean akordiorik lortzen ez nada, gu guztion ardura izango da, ez Madrilena. EH Bildu akordioa lotzeko prest dago @ArnaldoOtegipic.twitter.com/N1uOFzx4d3
— EH Bildu (@ehbildu) 2018(e)ko otsailak 4
Ildo bereko hitzaldia eman du Maddalen Iriarte bozeramaileak ere. "Beto eskubiderik" ez dagoela ohartarazi du: "Herritarren borondatea dago gauza guztien gainetik. Beto eskubiderik ez du inork izan behar". Autogobernu batzordean akordioa egin eta akordio hori herritarrek berrestea proposatzen du EH Bilduk. Era berean, Iriartek berretsi du adostutako testu horrek independentziarako kontsulta egiteko aukera jaso behar duela.
Hala esan du Iriartek: "Espainiako Estatuko autonomia bezala pentsatzeari utzi eta estatu propio bat bezala pentsatzen hasi behar dugu".
