EH Bilduk larritzat jo du Hezkuntza kontseilariak Imanol Haranbururen izendapena atzera botatzea erabaki izana. Koalizioaren iritziz, hizkuntza eskolen bulego buruaren izendapena bertan behera uztea "UPNren presioari men egitea" da.
"Eskubide zibil eta politikoak bermatzea aldaketaren gobernuaren zutabetaetako bat da, eta erabaki honek eskubide hau kolokan jartzen du", azpimarratu du EH Bilduk. Hortaz, eskatu du "urjentziaz" bil dadila gobernu akordioa babestu zuten indar politikoek osatutako jarraipen batzordea.
