EH Bilduren irudiko, Gipuzkoako Diputazioak atzo egindako proposamenak erakutsi du kutxen pribatizazioa saihesteko aukerak badaudela. Beharrezko ikusten du horiek "ezagutzea eta ikertzea". Hala, Batzar Nagusietan Kutxaren gaineko talde txostengilea eratzea proposatu die EAKri, PSE-EEri eta PPri.
Alderdiko batzarkideek agerraldia egin dute gaur goizean. Zehaztu dute talde horrek hilabeteko epea izango lukeela aukera guztiak aztertzeko eta erabakiak hartzeko. Berez, datorren ostegunean da egitekoa Kutxako patronatuko ordezkarien aukeraketa. Izendapen hori atzeratzeko eskatu du alderdiak.
