Gaur EAJk, PPk eta PSEk Gipuzkoako Ingurumen Diputatuaren aurkako zentsura mozioa erregistratu dute Batzar nagusietan. EH Bilduren esanetan, zentsura mozioak Gipuzkoan martxan den aldaketa politiko eta soziala geratzea du helburu nagusia.
Hondakinen arazoa konpontzea lehenetsi ordez, interes politiko eta ekonomikoak lehenestea egotzi die EH Bilduk EAJ, PSE eta PPri. "Zentsura mozioak ez ditu gipuzkoarrok gaur egun ditugun arazoak konponduko", azaldu du. Horregatik, EAJ, PSE eta PPri dei egin die Gipuzkoaren arazoak konpontzeko proposamen positiboak egitera.
