EH Bilduk Jaurlaritzaren gobernu programaren balorazioa egin du. Uste du Iñigo Urkullu lehendakariak proposatzen duena "iruzur politiko eta soziala" dela, eta lehentasunak "pertsonak, bakea eta estatus berria" direla esan arren, koalizioak dio programaren gidalerroek "guztiz kontrakoa" jasotzen dutela.
Koalizioaren arabera, Urkulluk proposatutako neurriak "orain arteko politiken errepikapena" dira: "murrizketak, eskubideen murrizketak, langileei eragiten dieten neurrien erreformak, sektore publikoa pixkanaka deuseztea, lan prekarizazioa...".
Bakeari eta elkarbizitzari dagokionean, aipatu du "inoizko abagunerik onena" dela gizarteak "desiratzen" duen bakea eta elkarbizitza erdiesteko, eta mezua igorri dio Jaurlaritzari: "EAJ ezin da entzungor geratu herritarren gehiengo zabal baten borondatearen aurrean".
