EHAK-k Konstituzionalera jo du legez kanporatzearen aurka

Espainiako Auzitegi Gorenak irailean jo zuen legez kanpoko alderditzat EHAK, eta orain honek babes helegitea sartu du Espainiako Auzitegi Konstituzionalean, gaur auzitegiko iturrietatik jakin denez. Gorenak EAE-ANV ere ilegalizatu zuen orduan, baina ANVk oraindik ez du helegiterik aurkeztu; laster bukatuko zaio epea.

Gorenak alderdi haiek desegiteko agindua eman zuen, baita haien ondasunak likidatzeko ere. Efe berri agentziaren arabera, Espainiako Barne Ministerioak eta Estatuko Abokatuak ziurrenik ez diote Eusko Legebiltzarrari EHAK desegiteko eskatuko, abendu amaieran bukatuko delako horko legealdia -2009an izango dira hauteskundeak-.