EHE-K KANPAINA HASI DU

Paisaia linguistikoa euskalduntzeko urtero egin izan duen Ezabaketa Astea eraberritu du Euskal Herrian Euskaraz taldeak (EHE). Hala, Ezabatu eta Euskaraz Bizi kanpaina hasiko du gaur. Kanpainaren xedeak atzo jakinarazi zituzten, Iruñean egindako agerraldian: «Inposatzen diguten paisaia linguistiko erdalduna iraultzeko deia zabaldu nahi dugu ekimen honekin». Kanpainaren harira herri eta hirietan antolatzen diren ekimenetan parte hartzera deitu du EHEk.