EHNE: «Jantoki kolektiboak hornitzeko adina ekoizten da»

EHNE nekazarien sindikatuak ez du dudarik: Euskal Herriko baserritar eta abeltzainen produktuek jantoki kolektiboak hornitzeko adina ekoizten dute, «maila handi batean». Horregatik, bertako produktuen aldeko hautua egiteko eskatu dute. «Arrautzak, esnea, patatak, lekak eta haragia jantoki kolektiboak hornitzeko adina ekoizten dira». Administrazioari egin diote eskari berezia. «Jantoki hauek hornitzeko duen bide bakarra eta zentralista aldatu behar du, neurri txikiagoko kontsumo unitateak bultzatuz». Eusko Jaurlaritzari kritika zuzena egin diote. «Izan ere, ezin da onartu produktuak ekoizpen kostuak estaltzen ez dituzten prezioetan erostea».