Neguan animaliak elikatzeko behar den belarra udaberrian eta udaran biltzen da. Aurten, apirileko belar mozketa "normala" izan zen. Maiatzaren amaieran egiten den bilketa normalean baino %30 gutxiago izan zen. Hirugarren txanda, aldiz, uztailaren bukaerakoa, ez da posible izan. Animaliak bazkatzeko adina belar ez dago soroetan.
Euria ez egiteak beste ondorio bat ere ekarri du, baserrietan ez dago urik. Baserriek euren iturriak dituzte, baina aurtengo udaran lehortuta daude. Hainbatetan, baserritarrek beste lekuetatik ekarri behar izan dute ura.
Baserritarrek ura mendira eramateko moduak urriak dira. Horregatik, animaliak ikuluetara eraman dituzte, eta mendian gelditzen direnei ura eramaten diete.
EHNE sindikatuak lehenbailehen erabaki egokiak hartzeko bilera bat egin behar dela esan du. Marije Intxaustik adierazi duen bezala, egoera honetan Gipuzkoako baserritar guztiak daude, ondorioz, "arazo orokorra" da.
Euri falta
EHNEren arabera, euri faltagatik 14 milioi eurotako galera izan dute Gipuzkoako abeltzainek
EHNE sindikatuak, euri faltagatik, hiru hilabetetan, Gipuzkoako abeltzainek 14 milioi eurotako galera izan dutela adierazi du. Aldi berean, euskal sindikatuak abeltzainek galdutako diruaren erdia ordain dezan eskatu dio Foru Aldundiari. EHNEko Gipuzkoako presidente Marije Intxaustik hiru hilabetetako euri eskasagatik eta hego haizearen ondorioz, mendiak oso leor daudela eta ura falta dela adierazi du.
Iruzkinak
Ez dago iruzkinik
Ordenatu
