Joan den ostegunean, EHUko Arte Ederren fakultatean, gizon bat harrapatu zuten mutilen komunean irudiak grabatzen. Hala ohartarazi dute fakultate horretako iturriek. Gizona egun horretan atxilotu zuten. «Jardun genuen horrelako jazoerak gertatzen direnean jarduten dugun bezala», adierazi dute.
Oraingoz, mutil batek salaketa partikularra jarri du. Hala ere, fakultateak jakinarazi du aste honetan bertan joango direla komisariara, salaketa jartzera.
Joan den astean, X sare sozialean jarritako ohar baten bidez, Eiki taldeak salatu zuen, Arte Ederretako fakultatean ez ezik, gizonezko batek argazkiak egin eta irudiak grabatu zituela Zientzia eta Teknologiako fakultateetako komunetan, eta babesa adierazi zien biktimei.
