EHUko ikasleen auzia atzeratu dute, grebarengatik

BILBO. Bologna Planaren aurkako protesten harira, EHU Euskal Herriko Unibertsitateko hamahiru ikasle epaitzekoak ziren atzo, Bilbon; baina bertan behera gelditu zen epaiketa, agente judizialak greba egin zuelako. Ikasle guztiak ere ez ziren epaitegira agertu: hiru falta ziren. Ondorioz, urtarrilaren 23ra atzeratzea erabaki zuen epaileak. 2008an EHUko klaustroaren bilera eten zutela leporatuta epaituko dituzte ikasleak.