Ehunka lagunek bat egin dute Nazio Eztabaidaguneak Aberri Egun herritar baten alde egina duen deiarekin. Nazio bat gara, zazpiak bat, burujabetzaren alde lelopean Irundik (Gipuzkoa) Hendaiara (Lapurdi) ekitaldia izango da hilaren 23an (igandea), eta hor parte hartzeko dei egin dute hainbat lagunek gaur Iruñean emandako prentsaurrekoan.
"Desberdintasun politikoak eta sozialak gainditu, eta bat egiten dugun puntuetan indarrak metatzeko apustua egin dugu", esan dute gaur Iruñean.
"Nazioa gara, hori ezin da ezbaian jarri", dio Nazio Eztabaidaguneak, eta "lanean" segituko du "erasoen eta kriminalizazioen gainetik". "Gure esku dago Euskal Herria XXI. mendean bere buruaren jabe izatea".
11:30ean hasiko da bihar zortziko ekitaldia, Ficobatik. Handik Hendaiara joango dira, pilotalekura.
Argazkian, gaur Iruñean egin duten agerraldia. (Argazki Press)
Politika
Ehunka lagun, Aberri Egun herritarraren alde
Gaur zortzi izango da Irundik Hendaiara arteko ekitaldia, Nazio Eztabaidaguneak deituta, eta hainbat lagunek atxikimendua agertu dute gaur, Iruñean.
Iruzkinak
Ez dago iruzkinik
Ordenatu
