Jose Ramon Lopez de Abetxuko preso gasteiztarraren eskubideak errespetatu daitezen galdegin dute gaur Gasteizen ehunka lagunek. Lopez de Abetxukok kardiopatia du eta etxetik 420 kilometrotara dago espetxeratua, Villabonan (Asturias, Espainia). Horretaz gain, Sarek salatu du ez dizkiotela kontuan hartu Frantzian betetako urteak, eta zigorra bera ere duela bi urte betez zuela.
Bide batez, ordea, gogorarazi dute Lopez de Abetxuko ez dela gaixo dagoen euskal preso bakarra. Horiek hala, eta haien egoera salatzeko manifestazio nazionala deitu du Sare plataformak datorren irailaren 24rako, Donostian. "Bada garaia ideologiak alde batera utzi, eta giza eskubideen urraketak amaitzeko", aldarrikatu du plataformak. Protesta Bulebarretik abiatuko da arratsaldeko 17:00etan.
