Datorren astearteko gobernu kontseiluaren ostean EITB zuzentzeko hautagaiaren izen-abizenak jakinarazi ahal izatea espero du Eusko Jaurlaritzak. Hala adierazi du gaur Arantza Tapia Eusko Jaurlaritzako Ekonomia Garapen eta Lehiakortasun sailburuak, Radio Euskadin eginiko elkarrizketan.
Tapiak adierazi duenez, Agirrek zuzendu behar zuen proiektuaren aldeko apustuari eutsiko dio Eusko Jaurlaritzak, eta gaineratu du "lehentasuna" dela proiektu hori zuzenduko duen pertsona bat topatzea.
Atzo jakinarazi zuen Agirrek uko egiten ziola EITBko zuzendari izateko hautagaitzari. "Arrazoi pribatuak tarteko" egin zion uko.
