EITBk "lehenbailehen" hasi nahi du Nafarroan emisio digitalekin, eta, helburu horrekin, Yolanda Barcina presidenteari eta Iñigo Urkullu lehendakariari irtenbide bat adosteko eskatu die. Aurreko asteko gorabeheren ondoren bi agintariek lantalde bat osatzea erabaki zuten irtenbide bat bilatzeko.
EITBk atzo gauean atera zuen oharrean eskatu die behin betiko irtenbidea ez badago ere, "borondate onaren zeinu adierazgarri" moduan Eguberrietarako Nafarroan EITBren emisio digitala hasteko bidea emateko, "jai eder horien aitzakia eta arrazoia baliatuz". EITBk bere komunikazio bulegoaren defentsa egin du oharrean, eta "lepora dakieken edozein asmo politiko" baztertu du.
