Ertzaintzak gaur arratsaldean Ekaitz Samaniego gaztea atxilotu du Gasteizen. Hari babesa emateko eskubide zibil eta politikoen aldeko manifestazioaren amaieran atxilotu dute. Manifestazio amaierako ekitaldia egiten ari zirela, Samaniego beste lagun batzuekin batera agertu da pankarta batekin, eta bildutakoen txaloak jaso ditu.
Handik bost minutura agertu dira ertzainak, zenbait furgonetatan, eta auto batean eraman dute Samaniego. Orain dela aste batzuk ezkutatzeko erabakia hartu zuen gazteak, bere egoeraren "bidegabekeria" agerian uzteko. Gasteizko eliza batean itxialdia egin zuen, eta hainbat esperrutako lagunen elkartasuna jaso zuen.
Segiko kide izateagatik zortzi urteko espetxe zigorra berretsi zion Espainiako Epaitegi Gorenak.
