Euskarazko Komunikazio Taldeak (EKT) larunbat honetan egingo du akziodunen urteko ohiko batzarra, Andoainen (Gipuzkoa), Martin Ugalde Kultur Parkeko areto nagusian. 10:00etan hasiko da (lehen deialdia ordubete lehenago izango da). EKTko akziodunek egun hauetan jaso dituzte deialdia eta 2008ko jarduerari buruzko txostena.
EKTko Administrazio Kontseiluaren ustez, garrantzitsua da batzarrean parte hartzea, eta joaterik ez duenari, Jose Antonio Lizarribar Administrazio Kontseiluko lehendakariaren izenean ordezkapenerako agiria betetzeko eskatu dio. Edozer dela ere, akziodunek aurretik hona jo dezakete: 943 304 345 telefono zenbakira edo [email protected] helbidera.
Aurtengo kudeaketa planaren eta aurrekontuen aurkezpena ere egingo du Euskarazko Komunikazio Taldeak larunbateko batzarrean.
EKTk 24.000 akziodunetik gora dauzka. 2003an sortu zuten enpresa. Besteak beste, BERRIA egunkaria, BERRIA.INFO webgunea, Iragarri agentzia komertziala, Etxeraino banaketa enpresa eta Jarduna administrazio enpresa hartzen ditu. Halaber, parte hartzen du, beste eragile batzuekin, Hitza herri informazio, iragarkilaburrak.com eta Hamaika Telebista proiektuetan.
KomuNIKABIDEAK
EKTren akziodunen batzarra, etzi
Andoainen izango da, Martin Ugalde Kultur Parkean, 10:00etatik aurrera.
Iruzkinak
Ez dago iruzkinik
Ordenatu
