Kataluniako prozesu subiranistari elkartasuna adierazteko, larunbatean Gure Esku Dago-k Bilbon egingo duen manifestaiziora joateko deia egin dute ELA eta LAB sindikatuek.
LABek nabarmendu duenez, Kataluniak eta Euskal Herriak, biek pairatzen dute “Espainiako Estatuaren errepresioa” eta biei ukatzen die hark erabakitzeko eskubidea. LABek Kataluniakoaren antzekoa izango den prozesu subiranista aldarrikatu du Euskal Herrirako, bertako “errealitateari egokitua”. Sindikatuak gaineratu du ELArekin orain bi aste aurkeztu zuen dokumentuak gisa horretako prozesu batek bildu beharko lituzkeen ezaugarriak jasotzen dituela.
ELAk, berriz, miresmena adierazi dio Kataluinako gizarteari, erreferenduma egiteko ematen ari den pausoengatik. Euskal erakundeek Kataluniako gizartea jorratzen ari den bidea babestu beharko luketela gaineratu du.
Bi sindikatuetako idazkari nagusiek parte hartuko dute Gure Esku Dago-k antolatu duen manifestazioan.
