Gaur goizean jakinarazi du Gobernu Kontseiluak: Elena Unzueta izendatu dute Kontsumoko Euskal Institutu Kontsumobideko zuzendari. Unzuetak 39 urte ditu, eta soziologia lizentziaduna da. Kontsumitzaileak eta erabiltzaileak defendatzeko eta babestek politikak definitzen, bultzatzen eta gauzatzen dituen erakundea da Kontsumobide, eta 60 langile ditu.
Eusko Jaurlaritzako Administrazio eta Lehiakortasun Turistikoko zuzendaria izan da Unzueta; horrez gain, Zallako Udaleko Gizarte Ongizate, Osasun eta Kontsumoko zinegotzia, Euskara eta Kultura arloko zinegotzia eta lehen alkateordea ere izana da. Azken lau urteetan, Bizkaiko Txakolina sor-marka arautzeko kontseiluko lehendakaria izan da, eta, egun, Bizkaiko Landa Garapeneko teknikaria da. Horrez gain, Euskadiko Landa Eremuko Emakumeen Batzordeko idazkari teknikoa eta Karrantzako Udaleko Tokiko Garapeneko eragilea ere izan da.
