Euskal Herria-Palestina sareak deituta, elkarretaratzea egingo dute gaur, Bilbon, Israel Gazan egiten ari den operazioa salatu eta palestinarrei elkartasuna adierazteko. Arriaga plazan elkartuko dira, 19:30ean.
Aste honetarako beste hainbat deialdi ere badira erasoaldia salatzeko. Palestina askatu lelopean, manifestazioak egingo dituzte ostegunean Bilbon eta Iruñean. Biak 19:00etan hasiko dira; Arriaga plazatik Bilbokoa, eta autobus geltokitik Iruñekoa. Gasteizen, elkarretaratzea egingo dute asteazkenean, Andre Mari Zuriaren plazan, 18:30ean, Gazako sarraskia gaitzesteko.
